Pilar Falcón é Licenciada en Ciencias da Información e Diplomada en Márketing e Publicidade pola Universidade Autónoma de Barcelona. Doutora en Ciencias da Información. Membro fundador de TVG (Televisión de Galicia) e ONDA MADRID (radio da Comunidad de Madrid). Impartiu clases de "Historia do Xornalismo" na Universidade Complutense de Madrid. Membro da Academia das Ciencias e as Artes de Televisión e da Asociación de Xornalistas Europeos. Formou parte da directiva do Club Internacional de Prensa. Desde febreiro de 2012 preside o Club de Periodistas Gallegos en Madrid e fundou e dirixe ¨Club de la Tertulia¨.

Autora de varios libros, acaba de publicar «Besos de miel», «Faustino el lagarto» e «Run run», libro autoeditado na plataforma «Pasión por los libros». Son «contos de antes para tempos de agora», cos que quere transmitir a ilusión que non perdeu e que a axuda para saír da tensión e a rutina da vida diaria. É a súa receita para «sobrevivir» ao presente. Inventar historias para fuxir da realidade.

Cristina Egea é deseñadora, ilustradora e apaixonada da artesanía renovada. Formada como deseñadora de moda tras facer prácticas tanto con deseñadores de pret à porter como creadores de Alta Costura, abriu o seu propio taller de costura onde realizou, ao longo de oito anos, un traballo puramente artesanal e a medida.

Traballou en deseño de roupa infantil de proceso industrial e tras reciclarse nos programas informáticos necesarios e profundar na súa faceta de debuxante desenvolveu o libro de "Historias de Moda e Princesas". Con este traballo pretende introducir a nenos e nenas no agarimo pola Historia e no papel que tivo a moda e as artes decorativas no desenvolvemento da estética a través dos séculos.

Enrique Santín. Conseguiu o premio extraordinario Fin de Carreira da Facultade de Dereito (USC), foi profesor de Dereito Romano, exerceu a Avogacía nos Colexios de Avogados de Lugo, A Coruña, Oviedo e Madrid, e foi Maxistrado Accidental de Traballo en Lugo. Dentro da Administración Pública, tamén ocupou importantes cargos.

Foi fundador e presidente de honra da Asociación de Empresarios Galegos en Madrid (AEGAMA), presidente da Federación de Asociacións de Empresarios Galegos no exterior (FEGAEX) e presidente da Asociación Cultural da Vieira, Vicepresidente do Centro Galego de Madrid. É socio de Honra da Asociación de Médicos Galegos (ASOMEGA), do Club de Xornalistas Galegos en Madrid, do Centro Galego de Barcelona, do Centro Galego de Salamanca e do Real Club Deportivo da Coruña. É Irmán Maior da Archicofradía do Glorioso Apóstolo Santiago e conseguiu a medalla "Paul-Harris Fellow" de Rotary Internacional. Foi membro da Xunta Directiva da Asociación de Xuristas Galegos en Madrid (IURISGAMA) e membro do Padroado da Fundación Cánovas do Castelo. Foi nomeado "Galego do mes" do Correo Galego e Lucense do ano 2000. En 1980 empezou a traballar na empresa privada como asesor xurídico de empresas de servizos. Foi fundador e presidente do Grupo de Empresas Cliner, presidente de Acumula, S.A., presidente de Agarimaria, S.A. e presidente de Barxa Maior, S.L.

 É autor dos seguintes traballos: ‘El Secreto de Galicia", ‘Asturias tópica e insólita", ‘La empresa en el derecho laboral", ‘El movimiento asociativo empresarial gallego", ‘Ideas y reflexiones sobre el Camino de Santiago" y ‘Textos literarios sobre Lugo y su provincia"  en colaboración con Xesús Alonso Montero.